ვიდეო

ახალი წელი ყველასია

უკრაინელი ბლოგერის მტკიცებით, სააკაშვილი სასამართლოზე ნარკოტიკების ზემოქმედების ქვეშ იყო (ვიდეო)

Euronews-ის ეთერით საქართველოს საიმიჯო ვიდეორგოლის ჩვენება დაიწყო

ბრაინ ვილიამსის გასაოცარი რეპი

ანები

ანი დარსალია "საქართველოს ,სადაც მუდმივად ვქადაგებთ დემოკრატიულ ღირებულებებს,თავისუფლებასა და თანასწორობას,ეს ყოველივე,რომ დაიცვას ,ამ ქვეყანას ჰყავს სახალხო დამცველი?! სადაა სახალხო დამცველი ,ბატონი უჩა ნანუაშვილი? ესმის ქვეყანაში რა ხდება? ვის ჩაგრავენ და რა მიზეზით? თუ ეს მიზეზი მაინცდამაინც ჰომოსექსულების უფლებებს უნდა შეეხებოდეს?! რადგან ჩვენი ფორმალური სახალხო დამცველი თვალებს იბრმავებს და ყურებს იხშობს ,გადავწყვიტე ,მე, როგორც რიგითმა მოქალაქემ შევასმინო ქვეყანაში მიმდინარე პროცესები. ამ რამდენიმე დღის წინ მართლმადიდებელ მამაოს მანქანა დაუმტვრიეს ,თუმცა არავინ არ დაინტერესებულა ვინ და რა მიზეზით ჩაიდინა ასეთი საქციელი. რამდენიმე კვირის უკან კი მართლმადიდებელი მოძრვარი ,მამა თეოდორე გაგნიძე ილიას უნივერსიტეტში არ შეუშვეს მიუხედავად იმისა,რომ ეს იყო სტუდენტების მოთხოვნა და არანაირი კონფესიური შინაარსი არ ჰქონია ამ შეხვედრას. მიჩნდება კითხვა , საქართველოს მთავარი უფლება დაცველი, ზემოთ ხსენებულ მაგალითებში ადამიანის უფლების შელახვას ვერ ხედავს? საქართველოში მხოლოდ დედათმავლებისა დამამთმავლების უფლებებია დასაცველი?! „თავისუფალმა თაობამ “ უკვე არაერთგზის მიმართა სახალხო დამცველსა და მის აპარატს ,მაგრამ მათგან სრული იგნორირებაა ჩვენ ყოველ განცხადებაზე , მინდა კვლავ მივმართო სახალხო დამცველს და ვუთხრა ნუ იქნება მიკორძოებული ,ადამიანთა ერთი ჯგუფის ,შეხედულებებისა თუ ინტერესების გამტარებელი,ვინაიდან „თავისუფალი თაობა“ ამგვარ ქმედებაზე თვალს არ დახუჭავს და ვაფრთხილებთ,აქციების სახით არ მიუბრუნდეს ბატონ ნანუაშვილს თავისი უსამართლო საქციელი."

არჩილ გამზარდია 'პუტინი საქართველოს მტერია, მაგრამ სახელმწიფოს ლიდერისთვის მსგავსი კვალიფიკაციის მიცემა პირდაპირი საშიშორების შემცველია საქართველოსთვისაც და ევროპისთვისაც, როგორც ჩვენი საერთო საზოგადოებისა. დემაგოგიურ შეკითხვაზე: "არის თუ არა პუტინი საქართველოს მტერი", სახელმწიფოს ერთ-ერთ მთავარ აღმასრულებელს რა პასუხი უნდა გაეცა? დამისახელეთ ერთი ევროპელი ლიდერი, რომელიც "მტრის" კვალიფიკაციას აძლევს ასე მარტივად. მტერს ვაგინებ მე, მათ შორის 24 საათი, მაგრამ ხვალ რომ პრემიერი გავხდე, ჩემი პასუხისმგებლობა მნიშვნელოვნად შეიცვლება. ისე... უკრაინის პრეზიდენტს თუ აქვს მიცემული კვალიფიკაცია "მტრის" , ან ბალტიისპირეთის ქვეყნების პრეზიდენტებს? და ა.შ. ? ვინმემ დამისახელოს'

მირიან ყარაულაშვილი - მე პირადად აწი ყოველ ცისმარე დღე დავუწყებ ძებნას იმ შესაძლებლობას, რომ დღეში ერთი სერიოზული პანჩური დავარტყა კულტურული მემკვიდრეობის სააგენტოს ე.წ. დირექტორს ვინმე ნიკოლოზ ანთიძეს! თუ დამიჭერენ-დამიჭირონ! სადაც წვრილია-იქ გაწყდეს!

გამოკითხვა

ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?

ლევან კობიაშვილი მიხეილ ყაველაშვილი რევაზ არველაძე დომენტი სიჭინავა არც ერთი

ხმის მიცემა

ირაკლი ღარიბაშვილი ევროპარლამენტის წევრებს წერილს უგზავნის

2014-12-17 01:07:57

ipn

საქართველოს პრემიერ-მინისტრი ირაკლი ღარიბაშვილი ევროპარლამენტის წევრებს წერილს უგზავნის. წერილში, რომელსაც პრემიერის პრესსამსახური აქვეყნებს , ირაკლი ღარიბაშვილი 18 დეკემბერს დაგეგმილ, საქართველო-ევროკავშირს შორის გაფორმებული ასოცირების შესახებ შეთანხმების რატიფიკაციის პროცესზე საუბრობს და ევროპარლამენტს ქართველი ხალხის სახელით წინასწარ უხდის მადლობას მხარდაჭერისთვის იმ კრიტიკულ მომენტში, რომელიც "ჩვენი ერის ისტორიასა და მთლიანად ევროპის რეგიონშია".

"აღმოსავლეთ პარტნიორობის ინიციატივა იდგა ბევრი გამოწვევის წინაშე, მაგრამ ჩემმა ქვეყანამ მას წარმატებით გაუძლო და ევროკავშირს შეუძლია ამით იამაყოს. მუხედავად უზარმაზარი ზეწოლისა, საქართველო წელში გაიმართა და გამართულად დგას ევროპული ინტეგრაციის გზაზე. ბოლო ორი წლის განმავლობაში საქართველოს პარლამენტმა მიიღო რეფორმებთან დაკავშირებული კანონპროექტები ყველა სექტორში. მათი მიზანია, კანონის უზენაესობისა და ადამიანის ფუნდამენტური უფლებების უზრუნველყოფა. საქართველო დაუახლოვდა ევროპულ სტანდარტებს, ჩვენ შეგვექმნა ბევრი პრობლემა, მაგრამ მტკიცედ ვდგავართ სწორ გზაზე. 

ევროკავშირთან ასოცირების შეთანხმება უზრუნველყოფს რეფორმების პროცესის გაგრძელებას და შემდგომში ევროპაში ინტეგრაციის პერსპექტივას, რომელიც ხალხმა და ქვეყნის ლიდერებმა განსაზღვრეს და რომლის მისაღწევადაც ვიბრძვით.

შეთანხმების რატიფიკაციას აქვს უდიდესი პოლიტიკური და სიმბოლიური მნიშვნელობა საქართველოსთვის და იმედი მაქვს, ეს ხელს შეუწყობს, რათა მას ევროკავშირის წევრი ქვეყნების პარლამენტებმაც მიბაძონ. ამ შეთანხმების სრულად ამოქმედება იქნება სიგნალი ევროკავშირისა და საქართველოსი, რომ ხელი შეუწყოს და დაიცვას ჩვენი საერთო ღირებულებები და ვალდებულებები. ასოცირების ხელშეკრულების მნიშვნელოვანი შედეგი – თავისუფალი მიმოსვლა მოუტანს სარგებელს ჩვენს ხალხს, გრძელვადიან პერსპექტივაში კი ეს იქნება ხელშემწყობი რეგიონული მშვიდობის, დემოკრატიისა და კეთილდღეობის.

ერთად მუშაობით, ძვირფასო მეგობრებო, ეს არის ჩემი გულწრფელი რწმენა, რომ ჩვენ შეგვიძლია თავიდან ავიცილოთ ახალი გამყოფი ხაზების შექმნა ჩვენს კონტინენტზე და უზრუნველვყოთ უკეთესი მომავალი მომავალი თაობებისთვის.

კიდევ ერთხელ მადლობა თქვენი მხარდაჭერის გაგრძელებისთვის", - ნათქვამია ირაკლი ღარიბაშვილის მიერ ევროპარლამენტისადმი გაგზავნილ წერილში.
ეს არის პრემიერის წერილის არაოფიციალური თარგმანი. ოფიციალურ თარგმანს პრემიერ-მინისტრის პრესსამსახური გაავრცელებს.