უკვე წლებია, პროფესიული მოვალეობის შესრულებისა და გადამოწმებული ინფორმაციის გავრცელების ნაცვლად, ჟურნალიტების ნაწილი, რომელიც საზოგადოებაში რატომღაც ყველაზე მაღალი  ავტორიტეტით სარგებლობს, მხოლოდ იმავე საზოგადოების დეზინფორმირებითა და მოტყუებითაა დაკავებული. დღეს მედიაში ხალხისთვის მუშაობენ ის ადამიანები, რომლებმაც „მოდელირებული ქრონიკა“ საფრთხის თავიდან აცილების საშუალებად გაასაღეს, ჟურნალისტები, რომლებიც მაყურებელს ატყუებენ, სტუდიაში იწვევენ  „დაჩაგრული“ დევნილებს და მალავენ ინფორმაციას, რომ მათ ბინის ქირას დევნილთა სამინისტროიხდის.

 

ამ ჟურნალისტებს მიაჩნიათ, რომ შეუძლიათ შელახონს ნებისმიერი ადამიანის უფლება, თავს ყველაფრის უფლება მისცენ, თვითონ კი პასუხისმგებლობა აირიდონ.

 

ამიტომ, ამ ყველაფრის გათვალისწინებით, სტუდია „მონიტორისა“ და ამჯერად უკვე ტელეკომპანია „მაესტროს“ მიერ არასწორი ინსფორმაციის გავრცელების გამო ბოდიშის მოხდა ყოველგვარ აზრს მოკლებულად მიმაჩნია, რადგან რესპონდენტების მიმართ ამგვარი დამოკიდებულება მხოლოდ ჟურნალისტების არაპროფესიონალიზმსა და სუბიექტურობაზე მიუთითებს.

 

ნებისმიერ დაინტერესებულ პირს შეუძლია გაეცნოს ჩემს მიერ აღებული პრემიების შესახებ ინფორმაციას, რაც კონკრეტულ სიტუაციაში ჩემთვის ყველაზე უმნიშვნელო აღმოჩნდა, თუმცა ჟურნალისტის უპასუხისმგებლობას კიდევ ერთხელ ადასტურებს. 

 

ჩემთვის ყველაზე სამწუხაროა, რომ ამ შემთხვევაში, კრიტიკის ობიექტი ტელეკომპანია „მაესტრო“ აღმოჩნდა. სამწუხაროა, რადგან საკმაოდ რთულ და საზოგადოებისათვის იმ დროს ყველაზე  მნიშვნელოვან პერიოდში, „მაესტროს“ შენარჩუნების საქმეში, მოკრძალებული წვლილი მეც შევიტანე ასევე რადიო „უცნობში“ სიტყვის თავისუფლებისა და სამართლიანობისთვის ჟურნალისტებთან ერთად ვიბრძოდი", - აცხადებს წილოსანი.